شكاوى عبر وكالة صدى الواقع السوري فدنك من الذين تعرضوا للاحتيال من شركة كيو نت للتسويق الشبكي وأحد الضحايا يروي قصته ويناشد الجميع بالانتباه من هذه الشركات

شكاوى عبر وكالة صدى الواقع السوري فدنك من الذين تعرضوا للاحتيال من شركة كيو نت للتسويق الشبكي وأحد الضحايا يروي قصته ويناشد الجميع بالانتباه من هذه الشركات

ورد الى وكالة صدى الواقع السوري فدنك عدة شكاوى من مواطنين تم الاحتيال عليهم عن طريق عدة أشخاص بعدة اماكن (تركيا – المانيا- معبدة)،

وورد في الشكاوى بأنه تم الاحتيال عليهم واقناعهم بالدخول في هكذا اعمال، عن طريق إيهامهم بمرابح خيالية سوف يجنونها من عملهم في هذه الشركة، وانهم سوف يصبحون من أصحاب الملايين في فترة قصيرة من الزمن وسوف ….الخ .

حيث تعد هذه الطرق من انجح الوسائل التي يتبعها هؤلاء للإيقاع بالضحايا.

أحد ضحايا عملية الاحتيال ارسل الى وكالة فدنك تفاصيل ما جرى معه خلال عمله وكيف تم اقناعه بالدخول الى هذه الشركة.

فيما يلي نص الرسالة:

انا اسمي (عمران ع ح) من ريف بلدة معبدة في تاريخ 15/5/2023 طلبني ابن عمي على بيتو وأنا فكرت مشان اساعدو بشي، وفتح معي موضوع شغل ضخم او مستقبل مزهر، وأنا شخص وضعي المادي كتير ضعيف او قال الشغل نظامي او مرخص من جهة الانتربول الدولي او معروف عند الادارة او اشتراكها 2700$ .

فقلت انا ما معي هل مصاري فقلي اطلب دين من اختك الي بي المانية. 

والراتب الاسبوعي 225$ اقل شي، وشقد ما حاولت ما قالولي شو هوي الشغل قلت اكيد شغل نظام فا فتحت هل موضوع مع اختي ووافقت لئنو بدها تساعدنا فحولت لي المصاري بل ليل ساعة 11 بليل ساوو عرض مشروع و قالولي لازم تجهز حالك متل يوم عرسك بي بدلي او كرافي او ما لازم تقول غير استاذ لنو هني ناس محترمين وانا كنت خايف كتير فكان شخص تاني كمان من عنا بل ضيعا يطمنوني انو رح تطالع هل مصاري.

بغضون 4 أشهروقت ساوو العرض كان شخص بيحكي عربي اسمو (محمد عمر) ازا ما يكون الاسم وهمي هوي من عفرين بيحكي عربي او ساكن بي المانية فا قال انو شغل لازم تبيع منتجين لتحصل على 225$ او الشغل جديد بل منطقة او الشركة ماليزية فقلت طيب مافي مشكلي ازا الشغل منيح الي او لا غيري.

والتدريب كانت امرأة من ريف معبدة ساكني بي كردستان وبعرفها عائلتها وهي كانت تعطينا محاضرات وتقنعنا للانضمام للشركة.  

كتبولي عقد بعرف عقدي حتا وين موجود وما خلوني حتى اقراه العقد وانا صدقت انو ناس مكان ثقة.  

وكانت تقلي اكتب حلمك او رح يصير معك الملايين الدولارات خلال سنوات من هل شغل.

رجعت عل بيت بوقت متأخر، والصبح رحت عل دوام بعد ما فكرت منيح قلت بدي مصاري وما بدي افوت على هل شغل فا اتصلت فيون قالولي انو المصاري تحولو لا الشركة او لازم استمر او مافي خيار تاني.

وانا مدين المصاري ولازم رجعون وانا ما بعرف عن الشغل انو فيها نصب او احتيال استمريت 8 اشهر خلال هل شهر كان كل يوم جلسات عل برنامج ZOOM او مؤتمرات كل يوم أحد.

اللي عرفتو انو كبار المسئوولين عن هل شغل موجودين بي تركيا او المانيا ولي معروفين فيون ( مجد فشوال /تركية – محمد عمر / المانية –  رمضان حسين / المانية /و في كتار اغلبهم بي تركية /) و بيعطوك حلول كيف تخلي الناس تدين لا تفوت او كيف تكذب عليون عل اساس انو منيحة لا صالحون وانا مفكر انو عم نساعد الي منحبون مشان نصير مع بعض اثرياء.

 فات معي واحد صديقي وبعدها شفت كتير قصص متل قصتي وقررت اطلع وخبرت رفيقي كمان انو نصب بس هوي استمر.

وفي ناس كتير اتنصب عليون حتا ارامل ويتامى وناس كتير فقراء، وانا بقدر اكون مساعد مع الجهات المختصة لنوقف هل شي بحق اهلنا والفقراء.

كانت هذه قصة عمران ع والذي يناشد الجهات المختصة بالعمل على استرجاع حقوقه والذين كانوا ضحايا لهذه الشركة.

كما ناشد المجتمع بالانتباه من هكذا اعمال من قبل هذه الشركات الوهمية كي لا يخسروا اموالهم كما حصل معه ومع غيره من الكثيرين الذين وقعوا ضحية هذه الشركة.